Кăçал Чăваш тĕррин кунне Чăваш Республикин Пуçлăхĕн Олег Николаевăн ырă пуçарăвĕпе пуçласа паллă турăмǎр. Áна республикăра савăнăçлă лару-тăрура чÿк уйăхĕн 26-мĕшĕнче Шупашкарти  оперăпа  балет  театрĕнче  уçрĕç. Унта Чăваш тĕррин  управçисене  те, «Сурпан Пĕрле» акцие  хутшăнакансене те  пухрĕç.

Хаклă  та  сумлă  хăнасен кăмăлне  тĕрлĕ куравсемпе уяв концерчĕ  çĕклерĕ. Чи  хастаррисене, чăваш тĕррин  управçисене тата «Сурпан Пĕрле» акцие  хутшăнакансене  пархатарлă ĕçсемшĕн тĕрлĕ  наградăсемпе  чысларĕç.

Палăртма кăмăллă, мухтавлă Канаш ен чысне «Сурпан Пĕрле» акцие хутшăнса (сурпан тĕрлесе) Мăкăрти культура çурчĕн ертÿçи, «Туслăх» фольклор ушăнĕн ертÿçи Вероника Иванова  тивĕçлипех  хÿтĕлерĕ.

Áна  асăннă  акцие  хастар  хутшăннăшăн  тата  çамрăк   ăрăва  тăван  культурăна  аталантарма, чăваш тĕррин  ăстисен  пĕлĕвне сарас ĕçре активлă пулнăшăн Чăваш Республикин культура, национальноçсен ĕçĕсен тата архив ĕçĕн министерствин Тав çырăвĕпе чысланă, чĕрĕ чечек  çыххипе тата  Евгения Жачева çырнă чăваш тĕррин вăрттăнлăхне уçса паракан кĕнекепе хавхалантарнă.

Саламлатпăр,  малашне те  ăнăçу  сунатпăр!

Чагасьское сельское поселение Канашского района