Пирĕн аттесем чи   маттуррисем, чи  хисеплисем,чи   лайăхисем… Çакăн  пек  пĕтĕмлетÿ  турĕç «Туслăх» фольклор  ушкăнне  çÿрекенсем   черетлĕ   тĕл  пулура, шăпах   ăна   аттесен   кунне  халаланăччĕ.

«Пирĕн   аттесем  ачисемшĕн яланах  лайăх   ашшĕ, ырă  тĕслĕх  пулма  тăрăшнă, ывăлĕсем  те  çак тĕллевпех  пурăнаççĕ, мěнукĕсене   те  умри йывăрлăхсене   çĕнтерсе пурнăç   сукмакĕпе   такăнмасăр   утма  вĕрентме тăрăшаççĕ»,-терĕç  Мăкăр   хĕрĕсемпе кинĕсем вĕри  те   техĕмлĕ чейпе,тутлă кукăль-икерчĕпе  сăйланнă   май. Аттесен  кунне  халалласа   кашниех  хăйне   евĕр  ĕç   туса   иртернě  - ывăл   хĕрĕсемпе , мăнукěсемпе  кĕсье   телефонĕпе шăнкăравласа  калаçнă, ыйту- хурав  иртернĕ е   тĕл  пулса   хăнара   парне   тунă, куçа-куçăн   пăхса   сĕтел   тавра   пуçтарăнса  ǎшпиллĕ  калаçу   иртернĕ.

«Пирĕн   аттесем   пур  те  ырă   ĕç   тума  ǎнталнă , ачисене  те   çавнах  пилленĕ, кашниех  çара  тивĕç  пулнă -тăван çĕр-шыва тивĕçлĕн   хутĕленĕ. Пирĕн   аттесем   чи  матуррисем , чăн-чăн  чăваш  арĕсем , спортпа, сывă   пурнăçпа   туслă, мăнукăмăрсем  те  вĕсен  ятне   малашне  çÿлти  шайра   тытасса    çирĕп   шанатпăр»,-юрла-юрла , ташла-ташла саланчĕ «Туслăхсен»  аса  илÿ   çăмхи.

Мăкарти  «Туслăх» фольклор   ушкăнĕ   20–е   яхăн   ял   ĕçченĕсем   çÿреççĕ. Вероника   Иванова   тăрăшнипе  ( вăл  асăннě  ушкăн  ертуçи) юлашки   çулсенче   чăвашлăха  упраса   хăварас   тĕллев тата   çамрăк   ăрăва   та   явăçтарас  ĕç   вăй  илсе  пырать.

Сăмах  майăн «Туслăх» ушкăнăн   çитĕнĕвĕсем малтисен   йышĕнче   пулни   çамрăк   ăрăва  пултарулăхне туптама  та хавхалантарать-çке. «Туслăхсем» пĕр  çемьери   пекех, ахальтен им   ушкăна   пĕр  пулса « Туслăх»   ятне   панă.

20-е   яхăн чăваш   арне  тишкереç   пулсан – пирĕн   вĕсем   пурте  чи   маттурисем , чи   лайăххисем , чăн-чăн  чăваш   арĕсем. Пурте  ял   тăрĕхĕн , е  районăн , е   республикăн   экономикипе  пурнǎçне  аталантарас   енĕпе  тĕрлĕ   отрасльте  ырми-канми   вăй  хураççĕ.  Юратнă  мăшăрĕсемпе, ачисемпе,  мăнукĕсен  çитĕнĕвĕсемпе  савăнса   пурăнаççĕ.

Паянхи   кун  уйрăмах   аслă  ÿсĕмри   çынсене  «Туслăх» ушкăна   çÿрекенсене, обществǎри   хастарлăхшăн   тав   тăватпăр , ырлăх-сывлăх, куç   тулли  телей, канлĕ   ватлăх, вăрăм  та  телейлĕ кун- çул   сунатпăр. Вĕсем   çамрăк   ăрушăн  яланах  ырă   тĕслĕх  юлĕç. Чун-чĕре  ыйтнипе  юрă-ташăпа  туслашни  вĕсен   пурнăçне  тăсма    май  парасса  çирĕп  шанса   тăратпăр.  

Чагасьское сельское поселение Канашского района