Тӑван чӗлхе, чӑваш тӗрри-эрешӗ, юрри-ташши – халӑхӑн нихӑçан иксӗлми ӑс-тӑн çӑлкуçӗ. Çак çӑлкуçран, асатте-асаннесенчен упранса юлнӑ пуянлӑхран тумламӑн-тумламӑн пӗлӳ илсе ӳсетпӗр эпир.

Шӑматкун, мартӑн 23-мӗшӗнче, Шупашкарти Трактор тӑвакансен Культура керменӗнче Чӑваш Ен Наци радиовӗн 10 çулхи юбилейне халалласа чӑн-чӑн чӑвашлӑх уявӗ иртрӗ. Регионсем хушшинчи «Иксӗлми çӑлкуçсем» радиоконкурс çӗнтерӳçисем, Чӑваш Республикин тӗрлӗ кӗтесӗнчен тата Тутарпа Чӗмпӗр тӑрӑхӗсенчен килнӗ пултарулӑх ушкӑнӗсем куракансене илемлӗ юрӑ-кӗвӗпе, илӗртӳллӗ ташӑ-çемӗпе килентерчӗç, чӑваш халӑхӗн ырӑ йӑли-йӗркисемпе паллаштарчӗç.

Вӑрман Енӗш клубӗ çумӗнчи «Енӗшсем» фольклор ушкӑнӗ те пулчӗ çак уявра (ертӳçи Николай Артемьев, вӑйӑçи Юрий Алексеев), радиоконкурсӑн пӗтӗмлетӳ концертне хастар хутшӑннӑшӑн диплом илме тивӗçрӗ.

Ямашевское сельское поселение Канашского района