Кǎçал çурхи ĕçсене районта 19403 гектар çинче туса ирттерме палǎртаççĕ.Сур аки валли 3092 тонна вǎрлǎх кирлĕ, хальхи вǎхǎт тĕлне планǎн 104 проценчĕ пур.

Вǎрлǎха çĕнетессипе районта «Канмаш» туллии мар яваплǎ пĕрлĕх (95 тонна кÿрсе килнĕ), «Путь Ленина» ЯХПК (6 тонна), Киров яч.ЯХПК (4,5 тонна), «Пионер» агрофирма (5 тонна), Табаковпа (10 тонна) Васильев (2 тонна) хресчен фермер хуçалǎхĕсем лайǎх ĕçлесе пыраççĕ.Ака уйǎхĕн 12 – мĕшĕнче Вǎрнар районĕнчи «Август фирма» акционенрлǎ пĕрлĕхре çурхи  ĕçсене  халалланǎ республикǎри  семинар- канашлу иртĕ. Унта кǎткǎс ыйтусене сÿтсе явĕç. Пирĕн районта çĕр ĕçченĕсем ака уйǎхĕн 13 – мĕшĕнче тĕл пулса канашлама палǎртаççĕ. Хǎнасене «Пионер» агрофирма кĕтсе илĕ. Халĕ унта хатĕленÿ ĕçĕсем пыраççĕ.