Кăçал пирĕн республикăра Амăшĕпе Ашшĕн çулталăкĕ. Унпа килĕшÿллĕн Шуркасси клубĕн культорганизаторĕ Татьяна Филиппова Ешкилт ялĕнче пурăнакан нумай ача амăшĕ Валентина Ефимова патĕнче пулнă. Кил хуçи хĕрарăмĕ пилĕк ача çитĕнтерсе пурнăç çулĕ çине кăларнă. Ĕçчен хĕрарăм ĕмĕр тăршшĕпе тăван хуçалăхра дояркăра тăрăшнă. Ĕçри хастарлăхшăн В.Ефимовăна Хисеп грамотипе тата Тав çырăвĕпе пĕрре мар хавхалантарнă.

           Ĕç ветеранĕ тивĕçлĕ канура пулин те алă усса лармасть, хуçалăхра сурăх ĕрчетет, чăх-чĕп тытать. Кинемей ал ĕç тума та ăста. Ялти клубра ирттерекен мероприятисене хастар хутшăнать.