Пушарпуç ялĕнче пурăнакан вăрçă тата ĕç ветеранĕ С.Потапов иртнĕ çулхи раштавăн 22 – мĕшĕнче 100 çула çитрĕ. Степан Потапович 1941 çулхи юпа уйăхĕнче пĕрремĕш çапăçăва кĕнĕ. Пушарпуç арĕ Одесса, Николаев, Севастополь, Армянскино, Перескоп, Керчь, Феодосия, Киев хулисене ирĕке кăларнă çĕре хутшăннă. Пĕр çапаçура аманнă. Суранĕ йывăрах пулманнипе госпитале кайма килĕшмен, кĕске тăхтавсенче бинта улăштарса тăнă. Çĕнтерĕве Литвара кĕтсе илнĕ. Тăван яла Японии самурайĕсене çапса аркатнă хыççăн 1945 çулхи авăнăн 23 – мĕшĕнче таврăннă. Унăн кăкăрне Хĕрлĕ Çăлтăр орденĕ, «Паттăрлăхшăн». «Германие çĕнтернĕшĕн», «Японие çĕнтернĕшĕн» медальсем илем кÿнĕ. Темиçе хутчен СССР çарĕсен Верховнăй главнокомандующийĕн Тав çырăвне тивĕçнĕ.

Колхозра счетоводра, ферма заведующийĕнче ĕçленĕ, уй- хир бригадине ертсе пынă. Степан Потапович Мария ятлă хĕрĕпе пурăнать. Унăн 9 мăнук тата 15 кĕçĕн мăнук.

                                                                                                        Алексей Витальев