Шуркасси ял клубĕн сцени çинче Николай Угаринăн «Улька кинĕн виçĕ кинĕ» пьеси тăрăх камит лартса панă. Спектакле хутшăннă артистсене залра ларакансем тăвăллăн алă çупса кĕтсе илнĕ. Спектакль сюжечĕ çапларах: Улькка хăйĕн ывăлне авлантарас шутлă, çак тĕллевпе ăна валли арăм шырать, анчах пĕри те унăн кăмăлне каймаççĕ. Каярах Миша пур пĕр хăйĕн юратнă мăшăрĕпе Верăпах юлать. Артистсен пултарулăхне куракансем пысăк хак панă, савăнăçлă каç парнеленĕшĕн тав тунă. Малашне те спектакльсемпе сцена çине тухма ыйтнă.