Вăтам пĕлÿ паракан Шуркасси шкулĕн воспитанникĕсене С. Никонорова, Г. Пальмова тата А. Филипповăна районта пĕлмен çын çукрах пулĕ, уйрăмах шкула çÿрекеннисем. Вĕренÿре лайăх паллăсемпе ĕлкĕрсе пыраççĕ. Ку, паллах, пит аван. Кунсăр пуçне тата тепĕр лайăх ен пур вĕсен. Виççĕшĕ те юрлама ăста. Çак пултарулăха вĕсенче музыка ертÿçи Л.М.Миронова вăратнă. Уявсене ачасем хăйсен хитре сассисемпе пушшех те илемлĕрех тăваççĕ. Акă нумаях пулмасть иртнĕ «Канаш ен» мерченĕсем» фестивальте Настьăпа Сергей «Титаник» кинофильмри «Ангел» юрра акăлчанла тата вырăсла юрларĕç, Гена вара «Победа» юрра мăнаçлăн юрланипе тĕлĕнтерчĕ. Фестиваль çинчен тĕплĕнрех тăваттăмĕш страницăра хатĕрленĕ материала вуласа пĕлме пултаратăр.