«Ачасен сывлăхĕшĕн тата хăрушсăрлăхĕшĕн» акцие тĕпе хурса Уçырма ялĕнче профилактика рейчĕ йĕркеленĕ. Комиссие Уçырма ял тăрăхĕн пуçлăхě В.Иванов, районти шалти ĕçсен пайĕн сотрудникĕ А. Максимов, район администрацийĕ çумĕнчи çул çитмен çамрăксемпе ĕçлекен комиссин эксперт специалисчĕ Н. Нямукова, ял тăрăхĕн аслă специалисчĕ Т. Иванова тата вырăнти депутат Т. Васькова хутшăннă.

Комисси членĕсем рейд вăхăтĕнче хĕллехи çулсене епле тытса тăнипе тата урамсене çутăпа тивĕçтересси мĕнле шайра пулнипе паллашнă. Ĕçлĕ ушкăн Уçырмара çулсене вăхăтра тасатса тăнине, урамсенче çĕрле çутă пуррине çирĕплетнĕ. Çавăн пекех вĕсем ялта пурăнакансемпе те калаçусем йĕркеленĕ, пушар хăрушсăрлăх йĕркисене пăхăнмаллине асăрхаттарнă. Йерке хуралĕн сотрудникĕ рейд вăхăтĕнче икĕ адмпротокол çырнă.