Августăн 23-25-мĕшĕсенче А.Г.Николаев ячĕллĕ «Космонавт» лагерьте шкул директорĕсемпе, вĕсен воспитани енĕпе ĕçлекен çумĕсемпе, ОБЖ тата физкультура преподавателĕсемпе виçĕ кунлăх вĕрентÿпе методика сборĕ ирттерме планланă. Унăн теми - «Районти вĕренÿ заведенийĕсене инкек-синкекрен сыхласси, ĕçлекенсемпе шкул ачисене Гражданла оборонăпа чрезвычайлă лару-тăру ыйтăвĕсене вĕрентесси тата халăха вăй-хал тĕлĕшĕнчен çирĕплетесси». Çак сборсене чрезвычайлă лару-тăрура персоналпа вĕренекен çамрăксене хăрушлăхран хăтарма вĕренÿ заведенийĕсене мĕнле хатĕрленине тĕрлĕ енлĕн тĕрĕслес, кăткăслăхра ертÿçĕсене васкавлă та тĕрĕс йышăнусем тума хăнăхтарас, ачисем ОБЖ курсĕнче вĕренсе  пухнă теори пĕлĕвне лайăхлатас, преподавательсемпе вĕренекенсене кăмăл-сипет тĕлĕшĕнчен аталантарас, хăйĕн тата çывăхри çынсен хăрушсăрлăхĕшĕн яваплăх туйма вĕрентес, ОБЖ предметне вĕренекенсен методика ăсталăхне пропагандăлас, районта ачасене пула тухакан пушарсен шутне чакарас тĕллевпе ирттереççĕ.