Районти хуçалăхсен уй-хирĕсенче вырмана 86 комбайн хутшăнать. Кашни комбайна вăтамран 150 гектара яхăн тивет. Пĕтĕмпе 12051 гектар çинчи  тырра пухса кĕртмелле. «Канаш» ЯХПКра 9 агрегат ĕçлет, Киров ячĕллĕ ЯХПКра - 7. Чылай хуçалăхра пусăсене 2-шер комбайн кăна тухать, çавăнпа та вырма хăвăртлăхĕ пысăк мар.

Августăн 18-мĕшĕ тĕлне 4563 гектар (38 проц.) тыр-пул çулнă, 4196 гектар (92 проц.) çапса тĕшĕленĕ, 7259 тонна (гектар пуçне вăтамран 17,3 ц) пухса кĕртнĕ. Киров ячĕллĕ, «Урюм», «Канаш», «Цивиль», «Пинер» хуçалăхсенче вырма кал-кал пырать.

Киров ячĕллĕ, «Канаш» ЯХПКсенче улăма комбайнсем хыççăн çийĕнчех урана хываççĕ. Районта 1480 гектар çинчи улăма пухса илнĕ.

1134 гектар çĕртме сухи тунă. Кĕр тыррисем акма 2941 гектар (78 проц.) çĕр хатĕрленĕ.

Кашни ĕнерен талăкра вăтамран 7,7 кг сĕт сунă (пĕлтĕрхи çак кунта çавăн чухлех). «Пинер» ЗАОра сăвăм - 14 кг, «Урюмра» - 10,6 кг. Чи пĕчĕк кăтарту «Родина» ЯХПКра - 4,7 кг.