Юнкун пирĕн районта ЧР Физкультурăпа спорт минситерствин, Раççей Федерацийĕн Финанс министерствин Федераци Казначействин Чăваш Республикинчи Управленийĕн кунĕ иртрĕ.

Спорт министрĕ Вячеслав Краснов, район администрацийĕн ертÿçи Сергей Антонов Шуркассинчи вăтам шкул коллективĕпе тĕл пулчĕç (ÿкерчĕкре).

Район территорийĕнчи автоçулсене тытса тăрас, юсас енĕпе икĕ организаци - «Канашское» ДРСУ тата «Канашдорстрой» ООО - ĕçлет. ДРСУ кăçал Сиккасси ял хушшипе 1,9 км тăршшĕ çула çĕнĕрен асфальт сарнă. Шуркассипе Тури Сурăм ялĕсене çыхăнтаракан çула тунă çĕрте 6,7 млн. тенкĕ, Çĕрпÿ - Сызрань трассăран Шуркассине çитекен çула юсама 6,8 млн. тенкĕ усă курнă.

Район пуçлăхĕ С.Антонов районăн çичĕ уйăхри ĕç кăтартăвĕсемпе паллаштарчĕ. Тĕл пулăва халăх чылай пуçтарăнчĕ. Тĕп ыйту - Шуркассинче спорт залĕ тăвасси пулчĕ. Районти пур шкулта та, Шуркассипе Кăшнаруй шкулĕсемсĕр пуçне, спорт залĕсем пур. Проектсем хатĕр, ĕçе пуçăнмалла. Стротельство ĕçĕсене «Канашская» ПМК подрядлă организаци (ертÿçи Р.Зинатуллин) пурнăçлĕ.

ЧР спорт министрĕ В.Краснов ĕçчен те сăпайлă çынсене упрама пĕлмелле, терĕ. Чăваш спортсменĕсен тĕнче чемпионатĕнчи çитĕнĕвĕсем çинче чарăнса тăчĕ.