Район территорийĕнче автоçулсем тăвас, вĕсене юсас тата тытса тăрас енĕпе ĕçсем малалла пыраççĕ. «Чувашавтодор» патшалăх предприятийĕн «Канашское» ДРСУ филиалĕ Çĕрпÿ - Ульяновск трассăран Шуркассипе Тури Сурăм, Çĕнĕ Шелттемпе Кивĕ Шелттеме çыхăнтаракан автоçулсене юсать. Çулсене тытса тăрас енĕпе «Канашское» ДРСУ тата «Канашдорстрой» ООО ĕçлеççĕ: çул хĕррисенчи курăка çулаççĕ, шăтăк-путăксене питĕреççĕ.