ЧИ-ЧИ ХАКЛИСЕМ...

ХĔРАРĂМ

Голливуд актриси Дженнифер Лопес. Унăн кĕлеткине Нью-Йоркри страхлакан пĕр компани 1 миллиард евролăх страхланă.

ФИЛЬМ

Джеймс Камерон режиссерăн «Титаникĕ». Ăна ÿкерме 200 миллион доллар тăкакланă.

РЕКЛАМА КАМПАНИЙĔ

Хăйĕн продукцине рекламăлама Pepsi 2002 çулта Бритни Спирс юрăçа чĕнсе илнĕ. 90 çеккунт чухлĕ пыракан роликшăн тутлă шывсем кăларакан фирма 7,53 миллион доллар шăнкăрт çеç кăларса хунă.

Пĕлекенсем каланă тăрăх, рекламăна хутшăннăшăн Бритни Спирс юрăçа 1 миллион доллар гонорар тÿленĕ.

СУЙЛАВ КАМПАНИЙĔ

Майкл Блумберг 2001 çулта Нью-Йорк мэрĕн суйлавне хутшăнса 62 миллион доллар пĕтернĕ.

АТĂ-ПУШМАК

Пурте пĕлекен Стюарт Вайцман ювелир чăннипех те чаплă туфли ăсталанă. 642 рубинпа капăрлатнă туфли 1,6 миллион евро тăрать.

ŸКЕРЧĔК

Питер Пауль Рубенсăн

«Избиение младенцев» ÿкерчĕкне аукционта 75 миллион долларпа сутнă.

ХĂНА ÇУРЧĔ

Дубайри çичĕ çăлтăрлă Buri AI Arab  хăна çурчĕ. Ахаль номерте çĕр каçма 770 евро, чи чаплинче 7700 евро тÿлемелле.

ФУТБОЛИСТ

Зинедин Зидан 2001 çулта «Ювентусран» «Реала» (Мадрид) куçнăшăн Франци футболистне 68,7 миллион евро тÿленĕ.