Челябинск хулинче Раççейри шкул ачисен II çуллахи Спартакиада ăмăртăвĕсем пыраççĕ. Июлĕн 21-25-мĕшĕсенче ирĕклĕ майпа кĕрешекенсем вăй виçнĕ. Атăлçи федераци округĕн пĕрлештернĕ командинче Чăваш Ен хĕр-кĕрешÿçисем  виçĕ кĕмĕл медаль выляса илнĕ.

Çакна палăртма кăмăллă, призерсен йышĕнче пирĕн район хĕрĕ Татьяна Арсентьева (тренерĕ Александр Васильев) та пур. Карăклă вăтам шкулĕнче вĕреннĕ, халĕ Шупашкарти Олимп резервĕсен училищинче ăсталăхне çирĕплетекен Таня 38 кг виçе категорийĕнче иккĕмĕш вырăн йышăннă. Лайăх кăтарту! Унăн юлташĕсем Эльза Тазетдинова (52 кг, тренерĕсем - Владимир Ананьев, Сергей Колесников) тата Екатерина Вазюкова (60 кг, Михаил Савинов) кĕмĕл медале тивĕçнĕ.