Халĕ районти хуçалăхсенче «симĕс ĕççин» хĕрÿ тапхăрĕ пырать. Июлĕн 25-мĕшĕ тĕлне нумай çул ÿсекен курăксене 7061 гектар çулнă.

Пурĕ 3898 тонна утă хатĕрленĕ (48 проц.), 15690 тонна сенаж (87 проц.), 1650 тонна силос (11 проц.) хывнă. Выльăх апачĕ хатĕрлессипе Киров ячĕллĕ, «Канаш», «Урюм», «Восток», «Хучель», Крупская ячĕллĕ хуçалăхсенче кăтартусем лайăх.

Кĕр тыррисем акма 2040 гектар сухаланă. «Победит» ОООра - 250 гектар, Киров ячĕллĕ ЯХПКра - 160, «Урюмра» - 155, «Канаш», Крупская ячĕллĕ, «Хучель», «Исток» хуçалăхсенче 150-шар гектар çĕр хатĕрленĕ.

Районта кашни ĕнерен вăтам сăвăм 8,2 килогрампа танлашнă (пĕлтĕр - 8,1 кг). «Победитра» 11,8 кг сĕт сăваççĕ, «Агатра» - 11, «Урюмра» - 10,8, «Пинерте» - 10,6. Çав вăхăтрах «Истокра» - 5,4 кг, «Зенитра» - 6,2.

Ял çыннисем ытлашши сĕте райпо магазинсене леçсе параççĕ. Кăçал райпо халăхран 489 тонна сĕт пухнă, çав шутран июльте - 60 тонна.