Шкулсенче патшалăхăн пĕрлĕхлĕ экзаменĕсем вĕçленчĕç. Вăтам пĕлÿ илекенсем математика, вырăс чĕлхи предмечĕсемпе обязательнăй йĕркепе, Раççей историйĕ, физика, обществознани, биологи, хими предмечĕсенчен пĕрне суйласа илсе экзамен (ППЭ) тытнă. Вăтам баллсем çакăн пек: математикăпа - 3,6, вырăс чĕлхипе, биологипе, физикăпа - 3,7, обществознанипе - 3,9, Раççей историйĕпе - 3,1, химипе - 3,5.

Уçырма вăтам шкулĕнчен вĕренсе тухнă Егор Терентьев физикăна питĕ лайăх пĕлнине кăтартнă, экзаменра 95 балл пухнă. Шăхасан шкулĕн вĕренекенĕн Артем Павловăн математикăпа 89 балл. Вырăс чĕлхипе Вырăскас Пикших, Шăхасан шкулĕсен ачисем тарăн пĕлÿллĕ пулни курăнать. Наташа Данилова (Вырăскас Пикших), Лира Никитина, Наташа Яковлева - 88 балл, Оля Орлова (виççĕшĕ те Шăхасан шкулĕнчен) - 93 балл пухнă.