Районта ĕçсĕр çынсен йышĕ пĕчĕк мар. Ытларах чухне хĕрарăмсемпе çамрăксем ĕç тупаймаççĕ. Халăхăн çак категорине професси илме пулăшни ĕçсĕрлĕх шайне чакарма май парать.

Çĕртме уйăхĕнче Канашри 16-мĕш профучилищĕрен 20 çын штукатур-маляр специальноçпа вĕренсе тухрĕ. Экзамена вĕсем пурте ăнăçлă тытнă. Билетсенчи ыйтусем çине 9-ăшĕ «пиллĕклĕх» хуравланă, 6-шĕ «лайăх» паллă илнĕ, 5-ĕшĕн пĕлĕвне «вăтам» паллăпа хакланă.

Кăçалтан 16-мĕш ПУ предприятисемпе тата хуçалăхсемпе ĕçлĕ çыхăнăва çирĕплетме палăртнă, анчах ертÿçĕсенчен нихăшĕ те экзаменсене пыман.