Чаваш Ен Президенчĕн Указĕпе 2003 çула Çемье çулталăкĕ Тесе пĕлтернĕ. Чăнах ĕнтĕ, çемье хаклăхĕнчен, унан тата ачасен вăй-халпа кăмăл-сипет сывлăхĕнчен, патриотла воспитани панинчен пĕтерĕшли çуктăр паян. Районта пурăнакансем ку енĕпе патшалăх мĕенле тимленине аван туйса тăраççĕ. Çемьене халалласа тĕрлĕ мероприятисем иртеççĕ. Кăçал, акă, ĕç династийĕсен республика слечĕ пулчĕ. Çемье тăнăçлăхне тата унăн хакне çирĕплетес,çамрак çемьесене пулăшас, аслă ăрăва социаллă пулăшу парас тĕлĕшпе районта ĕçсем йĕркеллĕ пулса пыраççĕ. Сиккассинче, Çеçпĕлте, Пайкилтре ветерансен çурчĕсем ватăсене хÿтлĕх кÿреççĕ, Вăтапуçĕнче, Вăтакас Кипечре пĕтĕмĕшле практика врачĕн офисĕсем ĕçлеççĕ. Вĕсем хăйне майлă сывă пурнăç йĕркин центрĕсем пулса тăраççе. Çак хăтлăхшăн социаллă ĕçченсем пысăк тÿпе хывнине палăртмалла. Вĕсен ĕçĕ вара пĕртте çăмăл мар. Пархатарлă ĕçри ÿсĕмсемшĕн Çеçпĕлти ватăсен çурчĕн пуçлăхне Татьяна Степановна ЧР Социаллă политика министерствин, çак учреждени соцработникне Лариса Васильевана, çавăн пекех Анфиса Гаврилована (Пайкилт) тата Ольга Шоркинана (Сикасси) район администрацийĕн Хисел грамотисемпе чысланă.

Çĕртме уйăхĕн 6-мĕшĕнче районти социаллă хÿтлĕх учрежденийĕсен ĕçченĕсем хайсен уявне паллă тума пухăнчĕç. Вĕсене ЧР Социалла политика министерствин çемьесемпе тата ачасемпе ĕçлекен тĕп специалисчĕ Зоя Коновалова тата инвалидсемпе ĕçлекен тĕп специалист Нина Иванова, район администрацийĕн пуçлăхĕн пĕрремĕш çумĕ Родион Мясников, район администрацийĕн социаллă хÿтлĕх пайĕн пуçлăхĕ Геннадий Рубцов, унăн çÿме Гузель Салахова, районти социаллă хÿтлĕх центрĕн директоре Елена Дубова саламларĕç. Паллах, социаллă хÿтлĕх енĕпе пĕр патшалăхăн кăна ĕçлес çук. Ача-пăчана, çемьесене, ветерансемпе инвалидсене тата тивĕçле канăва тухнă çынсене социаллă пулăшу кÿрес ĕçе общество пĕрлешĕвĕсене, коммерци организацийĕсене те активлă явăçтарма сĕнчĕç тĕл пулура. Общество организацийĕсене çĕнĕ те интереслĕ социаллă проектсене пурнăçа кĕртме анлăрах хутшăнтарсан, пĕрлехи вăйпа килĕштерсе ĕçлесен халăха социаллă хÿтлĕх парас ĕç палăрмаллах лайăхланĕ.